.jpeg)
Omo, Governor Umo Eno of Akwa Ibom don put hin leg for ground say hin dey support President Tinubu for second term o. Now, this one dey cause big palava, I say area dor scatter like dis for this statement especially since Eno na PDP person. You know say PDP and APC no be friends na.
Na yesterday dem dey do the flag-off of that Lagos-Calabar coastal road for Akwa Ibom, na there Eno open mouth talk say hin dey back Tinubu. This thing don vex plenty people, especially that human rights lawyer, Inibehe Effiong.
Effiong don release strong statement, him call the endorsement "irresponsible and witchcraft". Him say Eno don shame hin self, say hin dey act like say hin no be opposition governor again. Effiong dey vex say Eno dey support "the most terrible, incompetent and dangerous regime" for Nigeria history, especially when people dey suffer from hardship and nepotism.
Effiong also talk say Eno and Senate President Godswill Akpabio dey do "unholy marriage" because dem want power, not because dem want help people. Him say both PDP and APC for Akwa Ibom don join hand.
Him say Eno dey pretend say him be pastor, but him no fear God. Him say Eno dey do small small give-away to cover him incompetence. Effiong warn say Eno no dey talk for Akwa Ibom people, say na hin own mouth hin dey use.
Him say make Nigerians and Akwa Ibom people no mind the endorsement, say na Eno personal opinion. Him even call the endorsement "witchcraft". Omo, this matter dey hot o!